Iyada oo ay kacsanad  xaaladda Suuqa Kalluunka ee Magaalada Boosaaso ayaa waxa ka dhacay  dibadbaxyo is xig-xigayna ay ka dhaceen labadii maalin ee la soo dhaafay haatan waxaa muuqanaya in xal buuxa laga gaaray khilaafkii ka dhashay go’aanka maamulka Puntland ay ku xireen suuqaas kadib markii lagu eedeyay nadaafad xumo iyo falal amniga xilidi ku ah oo mararka qaar ka dhaca xaafadda uu ku yaal suuqa Kallunka.

Faarax Cawaash oo ah Wasiirka Kalluumaysiga ee Puntland ayaa Warbaahinta u sheegay in baraha bulshada la mariyay warar aan sax aheyn oo sida uu shaaciyay lagu khaldayo Bulshada isla markana goob kale oo ay ku ganacsan karaan loo diyariyay ganacsatada

 

Wasiirka ayaa dhinaca kale waxa uu sheegay in goobtii hore ee ay dadku ku ganacsan jireen ay aheyd meel aan wanaagsaneyn wasaaradna ay hatan u diyaarisay suuq kale oo ay shaqa maalmeedkooda ku qabsadaan,isaga oo intaas raciyay in aan la dayici doonin dadka ganacsiga yar-yar leh.

Hadalka Wasiirka Kalluumaysiga Puntland ayaa ku soo aadaya xili labadii maalin ee la soo dhaafay magaalada Boosaaso ay ka dhacayeen dibadbaxyo ay dhigayeen dadkii laga kiciyay Suuqa Kallunka ee ku dhex yaal Dekadda Magaalada Boosaaso ee gobalka Bari.

LEAVE A REPLY