Haddii aad rabto is badal dhab ah in aad noloshaada ku samayso, ka baro Gorgorka sida uu u noolaado 70 sanno, nolol caafimaad qabta!

Gorgorka ayaa lagu tilmaama in uu yahay shimbirka ugu cimriga dheer aduunka. Cimrigiisu waxa uu gaadhaa ilaa 70 sanno, laakiin si uu u noolado mudada dhererka intaa le’eg, Gorgorka waxa la soo gudboonaata in uu go’aan adag qaato marka da’diisu gaadho 40 sanno. Da’dan 40 ka uu noqdo, Gorgorka waxa hawl gaba ciddiyihii uu ku ugaadhsan jiray, (oo ahayd isha kaliya ee nolol maalmeedkiisa ku heli jiray), Waxa afkiisii dhuubnida oo xoogga badna uu noqdaa mid tamar darnaada soona godta/qalloocda, Waxa baallihiisii u fududayn jiray in uu ku duulo noqdaan kuwo aad u culus miisaanka waynaanta ku fuulay darteed.

Duruuftan adagg, Gorgorka waxa ay hordhigtaa laba midkood in uu doorto:

  • In uu geerida isu dhiibo, noloshiisuna halkaa ku dhamaato.
  • iyo in uu galo tababar aad u adag qaadanayana mudo 150 maalmooda.

Tababarkan adagg ayaa ah in uu Gorgorku fuulo Buur aad u dheer dhaladeeda/fiinteeda, halkaas oo badanaa uu ku ilaashado ugaxdiisa, kuna garaaco afkiisii soo godtay dhadhaab ama dhagax ilaa fiinta afku ka jabayso. Waxa uu sugaa ilaa Af cusub uga soo baxayo.

Waxa kale oo cidiyihii gaboobay ku garracaa dhadhaabta ilaa ay ka jabaan, dabadeedna waxa uu sugaa inta ciddiyo cusub uga soo baxayaan. Waxa uu tiffaa ama jaraa baallihiisii hore dabdeedna sugaa inta baalal cusub uga soo baxayaan.

Muddo 5 bilooda ka bacdi waxa uu Gorgorku soo laabtaa isaga oo lamida Gorgor hada dhashay oo kale halkaasna ay uga bilaabataa nolol cusub oo 30 sanno ah. Dhamaystiridoonta 40 kii sanno ee uu hore u soo noola ; Kana dhigta cimrigiisa 70 sano oo ah nolol caafimaad qabta!!!!!

XIKMADA ku jirta qissadan waxa weeye hadii aad rabto in aad is badal dhab ah naftaada ku samayso in aad oggolaato dhibka isbadalkan aad u marayso. Ka takhallusto xusuusahaagii iyo hab-dhaqankaagii qalloocnaa ee dib kuu dhigay. Taas keliya ayaa dammaanad qaadi karta in aad hesho nolol cusub oo caafimaad qabta!.

WQ: Hassan Mohamud M Shire
Sanaag.so

LEAVE A REPLY